GIPALUKAPA ni Jomar Turno ang laing partisipante nga mioras og 16 minutos ug 1 segundos aron mohari sa overall 20-49 years old category sa Visit Davao Fun Sale (VDSF) Comval Aquathlon bag-ohay lang sa Mabini.
Gipildi niya sila Edison Cayano (16:24) ug Dos Gumela (16:33).
Sa boys/girls category (7-10 y.o.), Xander Barraca midomina sa event (3:20) samtang Matthew Dugaduga (3:21) ug Keanne Albert Alpiz (3:22) ang ikaduha ug ikatulo sa maong han-ay.
Ang kampeyon sa tanan kategorya nakadawat og P7,000 ug plaques samtang P5,000 ug P3,000 sa sunod duha ka puwesto.
Ang mga finishers nakakuha sab og medalya ug gift items gikan sa event sponsors.
Si Jojo Bernadas, ang nakoronahan sa female 35-49 adult category.
Ang aquathlon ang final event alang sa Visit Davao Fun Sale (VDSF).
"The Comval Aquathlon is the last VDSF event hosted by Comval from mountain climbing for women last April, to Mars Attack National Climb last May and successfully ended in the fine waters of Mabini Protected Landscape Seascape, our way of celebrating Father's Day," pahayag ni Provincial Tourism Officer Christine Dompor.
Ang 96 nga nagtigi naglumba sa 600-meter swim challenge gikan Kopiat Island hangtud Manaklay Beach Resort,ug 1,000-meter run alang sa adult category ug kids 11-14 years old ug kids' 7-10 milangoy sa 200m.
Bahin ni Compostela Valley Governor Tyron Uy miingon, "We would like to position Comval as a prime tourism destination, also hosting triathlon and other sports events. We have this beautiful island for a great cross-channel experience. (Fe Fuentes-Maestre/ID Comval)