SUPERBALITA CAGAYAN DE ORO

Fide Master-elect na si Canino

DAVAO CITY -- Usa na ka Fide Master (FM)–elect si Ronald Canino sa Cagayan de Oro City atol sa iyang maayo’ng kampanya sa 19th Asean Age Group Chess Championships 16-under open individual classical standard event, diin nahuman niadtong Domingo, Hunyo 24, sa The Royal Mandaya Hotel.

Pormal kini gihatag ang certificate of title result isip FM kang Canino atol sa social ug awarding night niadtong Lunes sa gabie sa susamang lugar.

Gawas pa niana, nabaonan pa og usa ka International Master (IM) norm ang 15-anyos nga Canino.

Pirmado ang title ug ang norm ni Fide International Arbiter (IA) Kok Onn Osric Mooi sa Singapore ug gikompirma ang resulta ni Red Dumuk, kinsa usa sa kadagkoan sa National Chess Federation of the Philippines (NCFP).

Gikinahanglan nalang ni Canino, usa ka grade 10 student sa Misamis Oriental General Comprehensive High School (MOGCHS), nga ipasaka niya ang iyang Fide Elo rating ngadto sa 2100.

Karon, gamay pa lang ang iyang rating nga naa sa Elo 1672 ug kinanlan niya modula pa og daghan Fide rated tournaments para moabot sa maong rekisitos ug mahimong full-pledge FM.

“Kinakailangan niya umabot sa 2100 para full-pledge FM na siya,” ingon ni Filipino IA Patrick Lee sa paghinabi sa SuperBalita Cagayan de Oro kaniya.

Kung mahuman niya ang rekisito ug pormal na mahimong FM, duha nalang ka IM norms ang iyang kinanlan aron mahimong full-pledged IM.

Naangkon ni Canino ang certificate of title result isip FM tungod sa iyang impresibong resulta paglangkat og gold sa 16-under classical standard.

“Madali lang yan para kay Ronald naumabot ng 2100 kaysa 2300,” ingon ni FM Roel Abelgas sa Manila.

Sa pikas bahin, iyang manghod nga si Ruelle nahimo sab isip Woman Candidate Master tungod sa iyang pagangkon sa silver medal sa 10-under girls classical standard event.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph