NAKABSAN human sa pipila ka adlaw sulod sa balay tambalanan ang usa ka amahan human nabangga ang gimanehong motorsiklo kuyog ang duha ka mga gagmayng anak.

Samtang gihaya ang patayng lawas ni Goerge Santias, 43, minyo, sa puloy-anan niini sa Kadingalan, Bukidnon.

Nagpabilin sa Northern Mindanao Medical Center (NMMC) ning siyudad sa Cagayan de Oro ang duha ka anak niini nga mao sila si Jico, 6, ug Tito III, 10 kinsa nakaangkon og ubay-ubay nga bun-og sa kalawasan gikan sa maong aksidente.

Gibutyag sa usa sa personahe sa NMMC nga nahinabi sa Sun.Star Superbalita nasayran nga nahitabo ang insidente niadtong Huwebes mga alas 2:00 sa hapon sa lungsod sa Kadinigilan, Bukidnon diin gibangga ni Goerge ang gimanehong motorsiklo ngadto sa katabo niini nga panel.

Sakay ni Goerge ang mga anaka tungora. Tungod sa kakusog sa pagkabangga nilagpot ang sakay sa motorsiklo ug sobrang naapektuhan si Goerge kinsa nabunal ang ulo sa semento.

Nahulog ang mga anak niini ug nilagpot sab sa daplin nga bahin sa dalan hinungdan sa ilang pagkabun-og.

Gidala ang mga biktima sa NMMC ug naabtan pa si Goerge og duha usa ka adlaw sa balay tambalanan usa kini nakabsan sa kinabuhi human wala naagwanta ang grabeng samad sa ulo.

Ang mga anak niini, nagpablin pa ning panahona sulod sa NMMC nga luwas na sa makuyawng kahimtang.

Samtang ang driver sa panel giingong gibalhog na sa prisuhan sa Kadingilan Police Station.