Sa miaging semana gihisgutan nato ang politika sa dakbayan. Nagkadaiya man gayud atong huna-huna sa mga magpapili alang sa nagkadaiyang pwesto sa kagamhanan. Naa rana kanato kinsa atong pilion total wala paman pud ang kampanya. Inig kampanya na makita man nato ilang mga saad, plataporma ug eksperyensa.

Basta importante lang pili-a ninyo ang mga tawo nga moserbisyo sa inyo sa tininuod, daghan natabangan ug importante adunay gahum sa pagmintinar sa kahusay ug kalinaw.

Ayaw ninyo ihatag sa mga tawo nga pangdaot lang ang kahibaw-an tungod sa mga pagmahay sa partido ug walay insaktong proyekto. Ayaw ninyo ihatag ang ugma sa tawong walay klaro.

Sa ubang probinsya ug kasikbit nga lugar, naa man gihapoy kabibo ang ilang piliay tungod sa mga kapartido nga nagkontra ilabina sa Misamis Oriental, mga higala ra kana sila apan nagkabuak-buak tungod lamang sa politika pero dili baya pud na pasabot nga nawala na ilang loyalty sa Alas sa partido. Ang uban magkabuwag-buwag gyud ang partido apan kung hisgutan nimo ang loyalty lahi pud kana siya nga istorya.

Sa Camiguin, wala may challenge diha na lugar kay sila-sila raman ang gabalik sa pwesto, walay kontra. Sa Bukidnon, patsada sad ang dula diha lay last term na ni Zubiri so magtigi gayud ang mga karaang politiko.

Samot sa Lanao del Norte kay usa ra ka pamilya gadala sa maong probinsya, ang mga Dimaporo. Maayo ramana kung naa pud kita'y nabuhat alang sa katawhan kung wala na kana lain na gayud kana nga istorya, ang tawo na ang mag-igo niana. Lain raba kitang mga Filipino kay Forgive and Forget ra ba kita.

Proven and tested na raba atong kinaiya, suma sa nahitabo kang Arroyo, wala raman ta. Naa rana nato kung gusto nato adunay kausaban atong nasud. Nara mana sa atong kamot.

Bibo kaayo ang piliay karon ilabina sa nasudnong aspeto tungod kay mga maayo raba gayud ang kasagaran apan kwarta man lagi ang maglihok niini ug makinaryas. Ubay-ubay raba gayud ang mga mayo.

Si Gordon usa na siya sa mayo motrabaho ang kapait lang kay Amboy kayo ni siya dayon imong boto saying sad tungod kay wala man siya naka-attach sa dagkong partido. Sayang sila duha ni Bayani mga action man raba unta. Si Gibo sayang ang ka-bright tungod kay pildihonon man gyud siya kay naka-attach man siya kay GMA nga guba na og record.

Si Villar nay dako nga anomalya sa iyang C5 nga project, dayon dili man makatunong sa iyang iyaw-yaw. Si Noynoy kay wala man hinuoy isyu but wala lang gayud siya'y record sa iyang achievement pud. Dayon si Erap, maayo man siya nga Presidente tungod kay naa man siya'y Political Will apan lisod mabalik sa pwesto tungod sa nahitabo sa una pud. Pero kining tanan depende man gayud kini sa katawhang Pilipinhon.

Choose the lesser evil nalang gayud.

Chicharong Bulaklak
R. Yap