SUPERBALITA DAVAO

Talento: On suffering (2)

Panlantaw

NAKUTAW man god kadali ang akong utok sa mga gipamulong sa “Running Priest” nga si Father Roberto Reyes apil si Leila de Lima nga nabilanggo sa kaso sa druga ug usa ka madre kung nganong wala daw nagsaba-saba si Cardinal Luis Antonio Tagle batok sa panggobyerno ni Duterte.

Kung buhi pa kuno si Cardinal Sin, makasab-an daw kuno si Tagle sa dili paglusad og mga kalihukan batok sa kasamtangang admnistrasyon.

Naunsa na man ang atong Simbahan karon kay mora naman og mga “celebrity” ang mga lider niini? Mag-una-una og kagubot sa nasud. Mora'g nasayang ang sobra napulo ka tuig nilang pagtuon sa Bibliya kay nakalimtan nila ang importanteng leksiyon sa “pag-antos” bah!

Maglusad og rally, dagan-dagan sa kadalanan ug mangampanya sa mga politiko nga ilang gidukotan. Dili ba ang unang responsibilidad sa simbahan ang pagtudlo og maayong binuhatan ug dili awayon ang ilang kauban (Cardinal Tagle).

Duna koy pagtuo nga wala pod niuyon sa mga hiwing panghitabo sa gobyerno si Kardinal Tagle apan sa “hilom pag-ampo” niya kini giagi. Dili sama sa mga parasiyo kaniadto nga i-display sa katawhan ang ilang kalihukan nga “daw balaan.”

Tawhanon ra kaayo ning madre ug si Fr. Reyes kay gusto gayud og “aksiyon” dala pakita sa TV, igsuon. Mora'g gi-under estimate na nila naggahum sa pag-ampo. Naa na bay subject nga marketing ug public relations ang pagka-pari ug madre? Mora'g ganahan na man god sila pirmi hisgutan ug mag-una-una sa demonstrasyon imbis nga mangaliya sa Ginoo nga tabangan ang nasud, lideres ug katawhan nga mamuyong malinawon.

Church, kamo ang dapat saligan sa katawhan nga magbuhat og kaayohan dili puro ngalngal ug pasikat lang. Have faith please kay wala man nabuta, nabungol o natulog ang Ginoo.

Kakita Siya sa tanan apil ang atong dili maayong intension o binuhatan.

Manubag baya kitang tanan niini mao dili ta moundang og pagtinabangay, ug pagdinasigay sa buhat ug pag-ampo kay gamhanan ang Diyos. Puwede Niyang bag-ohon ang tanan bisan wala kita nag-rally o nagsinggit-singgit sa kadalanan. AMEN


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph