Nag-ulan og kumo sa FIBA World Cup

NAG-ULAN og kumo.

Mao ni ang senaryo sa nahitabong panagsangka sa Gilas Pilipinas kontra sa Australia atol sa first round sa 2019 FIBA World Cup Asian Qualifiers niadtong Lunes sa gabie sa Philippine Arena.

Pilde ang host Gilas kontra sa visiting Australians, 53-89, tungod nahutdan sila og players sa nahitabong komosyon.

Kini, human siyam sa Gilas ang na-eject sa dula sa pagsalmot sa rambol ug walay nabilin nga players aron magpadayon sa dula.

Nasagpaan og disqualifying fouls sila Terrence Romeo, Jayson Castro, Calvin Abueva, Andray Blatche, Roger Pogoy, Troy Rosario, Japeth Aguilar, Carl Bryan Cruz ug Matthew Wright tungod sa pag-apil sa gubot.

Samtang, nabinlan lang sila Basher Amer, June Mar Fajardo ug Gabe Norwood ang nabilin aron atubanganon ang Australia.

Hinuon, parehas niabanti ang duha sa second round diin ang Australia nihuman sa first round ug 5-1 win-loss card ug nagsunod ang Gilas nga anaay 4-2.

Nagsugod ang rambol human madusmog ni Pogoy si Kicker tug dihang nibalos ang Australiano.

Ug, kalit lang niresulta og rambol sa duha ka grupo sa upat ka minutos nabilin sa third quarter diin nalatos na daan ang Gilas og 31-puntos nga biya.

Matod pa sa manan-away dinhi sa Cagayan de Oro, mao ni ang pinaka pangit ug luod nga basketball iyang natan-aw.

“Hinuon nalingaw ang mana-away sa sinumbagay, apan pangit tan-awon,” ingon ni Wilfredo Daamo Jr., kinsa nanan-aw sa dula.

Nisakay sab ang uban manan-away sa arena nga nang-labay og mga plastic nga mga botelya

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph