PRESKO nahimung runner-up niagi, niabante ang Kagay-anong si Francis Casey Alcantara ug iyang Amerikanong partner nga si Nicholas Hu sa quarterfinal atol sa UD$ 25,000 Hong Kong F2 Futures lawn tennis men’s doubles tournament niadtong Lunes, Hulyo 2, sa Victoria Park Tennis Stadium, Hong Kong.
Kini, human gilat-an nila Alcantara ug Hu sila Aziz Khan ug Ching Ho Sunny Yue sa host Hong Kong sa iskor 6-2, 6-2.
Maagbat nila sunod sa kinsa modaug tali sa panag-uban nila Ching Lam ug Hei Yin Andrew Li sa Hong Kong ug sa pag-uban nila Aaron Addison sa Australia ug Karunuday Singh sa India.
Niadtong Biyernes, nilanding lang si Alcantara ug iyang kauban niagi nga si Chu-Huan Yi sa Chinese-Taipei sa Jong Kong F1 Futures.
Naparot sila Alcantara ug Chu-Huan kontra nila Chun Hun Wong ug Pak Long Yeung sa host Hong Kong, 4-6, 2-4.
Naa sab sila Wong ug Yeung sa Hong Kong F2 Futures ug maagbat nila ang seed no. 1 nga sila Ti Chen sa Chinese-Taipei ug Rubin Statham sa New Zealand sa unang round.