SUPERBALITA CEBU

Barrita: Nganong na-isda si Lapu Lapu?

GIPIRMAHAN ni Presidente Rodrigo Duterte niadtong Hunyo 29 ang Republic Act (RA) 11040 nga nagdeklarar sa Abril 27 nga usa ka special working public holiday sa tibuok nasod ug usa ka special non-working holiday sa syudad sa Lapu-Lapu.

Si Lapulapu maoy nangulo sa mga taga Mactan sa pakigbatok sa mga sundalong Espanyol pinangulohan ni Ferdinand Magellan nga nisulong sa Mactan niadtong Abril 27, 1521, o 497 na ka tuig ang nilabay.

Sa katapusan, gipasidunggan na ang kaisog ni Lapulapu sa pakigbatok sa mga langyaw nga gustong mo-ulipon kanato. Apan wa nay nasayod kon hain paingon si Lapulapu human niya mapatay si Magellan.

* * *

Ang RA 11040 mao ang paghiusa sa Senate Bill 108 ug House Bill 6782 nga gipasar sa Senado ug sa House of Representatives niadtong Marso ning tuiga. Tungod niini, ang mga kawani nga motrabaho sa syudad sa Lapu-Lapu sa Abril 27 makadawat sa 130 porsento sa ilang inadlaw nga suweldo.

Giluwatan usab sa Presidente niadtong April 26, 2017 ang Proclamation 200 nga nagdeklarar sa Abril 27 nga “Lapu-Lapu Day” agi og pag-ila sa liderato, kaisog ug gugma ni Lapulapu sa iyang yutang natawhan.

Matod pa sa maong proklamasyon, “it is fitting and proper that Lapu-Lapu be given the highest honor and that his legacy be remembered by all Filipinos through appropriate ceremonies.”

* * *

Apan si Lapulapu, nga maoy nakabuntog ni Magellan, ato na lang makita sa mga menu sa mga restaurant karon isip isda nga lapu-lapu.

Ang mga lumad nga taga Lapu-Lapu, sama ni Konsehal Rico Amores, supak nga nganlan og lapu-lapu ang isda kay ngan kini sa bayani nga si Lapulapu. Di mahimo nga ang usa ka bayani mahimong usa na lang ka isda, bisan pag mahalon nga klase sa isda.

Ang grouper fish, nga gitawag og lapu-lapu, pugapo sa pinulongang Bisaya. Ang pugapo sangay sa lapu-lapu. Di kaha nga ang ngan ni Lapulapu nakuha gikan sa isda nga pugapo?


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph