NAMATAY na niadtong Hulyo 3 sa gabii ang stage/concert director ug talent manager nga si Roxanne Lapus sa iyang balay tungod sa cardiac arrest.
Matod sa Push.com, giatake na siya niadto ug gitambagan sa doktor nga mopaubos sa angioplasty, apan wala niya buhata.
Si Roxanne ang direktor sa musical nga The Sound of Music sa Resorts World Manila.
Siya sad ang unang direktor sa concert sa Hitmakers nga silang 70s OPM icons Rico Puno, Hajji Alejandro, Rey Valera, ug Marco Sison.
Siya ang direktor sa ballet show, ang Mga Kuwento ni Lola Basyang ni Liza Macuja-Elizalde.
Si Roxanne ang nakadiskubre ni Dawn Zulueta ug Lotis Key ug nahimong manager niadto ni Raymond Lauchengco.
Gitakda siyang i-cremate karong adlawa July 5.