LABING minus P500,000 ang premyo sa mga mananaog sa 4-cock Derby nga ipahigayon karong Pebrero 4 ug 6 sa New Talisay Tourists Sports Complex, Inc., Tabunok, dakbayan sa Talisay.
Tungod sa kadaghan sa mga entries, sugdan ang derby sa alas dos ang takna sa hapon, kini maoy gipahibawo sa promoter nga si Abio Monsanto.
Matod ni Monsanto nga posibli nga madugangan pa unya ang guaranteed prize nga P500,000 sa maong derby.
Ang pot money sa elimination round mokantidad og P5,500 samtang P6,600 inig abot sa championship round.
Mga inilang derbiyesta sa Kabisay-an, Mindanao ug kasikbit nga mga dapit ang gituohan nga mosalmot sa nahisgutang derby.
Sa laing bahin, aron paghatag og dugang kaikag, ang management sa New Talisay Tourists Sports Complex, Inc. mohatag og maanindot nga promo ngadto sa mga sabongero.
Matag Dominggo, ang makaangkon og tulo ka daog sa hackfight, adunay P30,000 nga premyo. Gawas niini, ang first fastest kill makabulsa usab og P3,000 samtang ang second fastest kill adunay P2,000.
Labaw sa tanan, libre ug way bayad sa pagparehistro sa manok o walay pot money nga magasto ang gustong mosalmot.