SUPERBALITA CAGAYAN DE ORO

Carmen chessfest, Robert Tan memorial karong Hulyo 7-8

DUHA ka sunod-sunod nga chess tournaments ang ipahigayon sugod Sabado, Hulyo 7, paingon sa Domingo, Hulyo 8, dinhi sa Cagayan de Oro.

Isip usa sa ikadalit sa ilang fiesta, walay puwas ang Barangay Carmen sa pagpahigayon og chess tournaments matag tuig.

Gibana-bana nga kapin sa 40 teams ang mosalmot sa kulbahinam nga Carmen tatluhan chess team tournament.

Libre pa gyud ang registration ug matag team diin kinanlan mokomposar og tulo ka players.

Kinahanglan sab nga matag team adunay average rating nga 1950 ug paubos, diin gibasi sa bag-ong Elo rating list sa National Chess Federation of the Philippines (NCFP).

Ang champion team mouli sa P10,000 nga cash prize, samtang P7,000 ug P4,000 alang sa ika-duha ug ika-tulo nga pwesto, sunod-sunod.

Mobitbit sab og P2,000 matag usa ang teams nga mohuman sa ika-upat paingon ika-10 nga pwesto.

Moangkon sab og P1,000 ang best board one, two ug three.

Naa sab kiddies 12-under tournament diin ang kampyon moangkon og P1,500, samtang ang ikaduha ug ikatulo nga pwesto mouli og P1,000 ug P700, sa ing-ana nga pwesto.

Pagka-ugma sa Domingo, usa na sab ka kulbahinam nga tournament ang ipahigayon sa 1st Robert Tan Memorial Blitz Tournament didto sa Limketkai Center.

Usa kini ka individual tournament ug pinaspasay sa tira diin ang matag-player adunay lima ka minutos ug dos segundos nga increment sa iya oras.

Ang kampyon mouli og P10,000, samtang P7,000 ug P5,000 sa ikaduha ug ikatulo nga pwesto, sunod-sunod.

Mouli sab og P3,000, P2,000 ug P1,500 sa fourth paingon sixth placers, sa ing-ana nga pwesto. P1,000 matag usa dayon sa ika-pito paingon sa ika-10.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph