BISAN pa man sa iyang kapildihan, mipabawon pa gihapon og gamayng pahimangno si Miguel Cotto sa Puerto Rico ngadto ni Filipino boxing superstar Manny Pacquiao alang sa umaabot nga away niini batok ni Joshua Clottey.

“Manny will have to be very strict because Clottey has a lot of strength and has good defense,” matod ni Cotto ngadto sa HBO.

Click here for stories and updates on the Sinulog 2010 Festival.

Si Cotto nakaaway na ni Pacquiao ug ni Clottey, kinsa mag-away karong Marso 13 didto sa Cowboys Stadium sa Arlington, Texas.

Si Cotto nailogan sa iyang World Boxing Organization (WBO) welterweight title ngadto ni Pacquiao sa niaging November pinaagi sa 12th round technical knockout sa MGM Grand Garden Arena sa Las Vegas, Nevada. 

Sa wa pa iyang kapildihan, si Cotto midaog pinaagi lang sa split decision batok ni Clottey sa Madison Square Garden sa Manhattan, New York City sa niaging Hunyo.

“It will be a tough fight,” dugang sa Puerto Rican nga Cotto. “I believe the guy who is the best prepared and in the best shape will win the fight.”

Gisugdan na ni Pacquiao ang iyang training sa Wildcard Gym sa Hollywood, Los Angeles, California.

Sa laing bahin, gikatakdang mosuway og langkat si Cotto (34-2, with 27 knockouts) sa WBA super welterweight title ni Yuri Foreman sa Israel karong Hunyo 12 sa Madison Square Garden.

Kini maoy unang pagdepensa sa wa pay pildi nga Israeli kinsa aduna nay 28 ka daog, walay pildi ug walo ka knockouts ug usa ka no contest.