SA umaabot nga Metro Manila Film Festival magtigi na sab silang Vice Ganda ug Vic Sotto.
May upat na ka entry nga nakasud sa MMFF 2018 karong Disyembre. Sigurado na ang kang Vice Ganda nga “Fantastics: Te Princess, The Prince and the Perya” sa Star Cinema ug Viva films kauban silang Loisa Andalio, Maris Ravales ug Maymay Entrata.
Ang Vic Sotto nga pelikula pasok usab nga andam mobatok sa movie ni Vice. Apan kauban na ni Vic sa pelikulang “Popo end Jack: the Puliscredibles” si Coco Martin.
Magmadaugon na kaha ang Vic ug Coco karon sa ilang action comedy movie batok sa pelikula ni Vice? Mao kini ang angay natong atangan karong Disyembre puhon.
Pero may lain pang mga pelikula nga apil sa maong festival.
Ang kang Anne Curtis nga “Aurora” sa direksyon ni Yam Laranas ug ang gikan sa Quantum films nga “Girl in the Orange Dress” nga gibidahan nilang Kim Chiu, Jessy Mendiola, Jericho Rosales ug Sam Milby.
Paabuton nato ang uban pang pelikulang mahimong opisyal nga entry ug mokompleto sa MMFF 2018. Ay’g saba!
Nagsugod na diay si Judy Ann Santos Agoncillo og taping sa iyang umaabot teleserye sa kapamilya network ang “Starla”.
Human sa lima ka tuig makita na usab nato og balik ang reyna sa soap opera.
Makauban ni Juday silang Joem Bascon, Meryll Soriano, Kathleen Hermosa, Anna Luna, Simon Ibarra, Janus del Prado, Gabe Mercado, Joel Saracho ug Joel Torre sa direksyon ni Onet Diaz, ay’g saba!
Gi-deny ni Enchong Dee ang tsismis nga duna silay relasyon ni Erich Gonzales. Bestfriend ra kuno sila.
Ang ilang friendship nagsugod niadtong 2009 pa ug hangtud karon misamot ka lig-on.
Malipayon karon ang Erich ug wala siyay panahon nga ma-stress ug magpaka-nega, labi na nga padayong gitotokan ang iyang teleserye matag hapon nga “The Blood Sisters”.