SUPERBALITA DAVAO

Go-Duterte nilampaso sa Team Tin24

ANG Davao-Go-Duterte Davao City All-Stars mibangko sa ilang pressure defense aron manguna sa 94-64 nga kadaugan kontra Team Tin24 Davao sa ilang tune-up game nga gihimo sa Arcadia Active Lifestyle Center basketball gym kagahapon.

Ang gilauman nga hugot nga match-up nahimong genocide human ang Davao City All-Stars mimuntar sa ilang 35-18 nga pagpanguna sa unang quarter.

Gikan niadto, ang Duterte-Go-Duterte naninguha sa duwa ug wa na milingi pa.

Si Matoy Madera miigo og 10 puntos samtang ang teammate Dale Soriano Brian Mago ug Francis Gabriel Escandor dunay hiniusang 24 puntos.

Si Ivan San Diego, Joshua Aguilon, Miguel Pacheco, James Linares, Koi Espiritu, Glen Manlangit, Jason Malinao, Conrad Fernando, Lois Josol, James Doblado ug Miguel Plata usab miiskor apan mipakita sa ilang presensya sa depensa.

"Actually, the purpose of that game is just really to see kung kaya ba nila i-apply sa real game yung ginagawa nila sa practice," suma ni head coach Miggy Solitaria, sa interview sa Sun.Star Davao.

Bisan sa maong kadaugan, ang kanhi De La Salle University (DLSU) Green Archers coach nagkanayon nga duna pay mga aspeto nga ilang palambuon.

"Like how to defend post players kasi mas maliit tayo lalong lalo na on Kadayawan," suma ni Solitaria, labot sa University Athletic Association of the Philippines (UAAP) teams nga moasdang sa gihuwat nga Kadayawan Invitational Basketball Tournament karong Agosto.

Sa 30-point lead, si Solitaria nagkanayon: "The score doesn't really mean anything to us. Gusto lang namin gawin yung mga kailangan namin gawin during the game."

Ang Team Tin24, sa laing bahin, misandig sa serbisyo ni Christopher "Toping" Jatico kinsa mipalupad og 26 puntos sa ilang duwa.

"Kulang din kami ngayon but contender na talaga yung Davao City team. Magaling na sa hassle plays and consistent yung point guard and bigman," suma ni Jatico, kinsa mipromisa nga dalhon ilang duwa sa rematch karong Martes.

Samtang, si Samahang Basketbol ng Pilipinas regional director and presidential adviser for sports Glenn Escandor, kinsa usab maoy tag-iya sa team, nitambong sa maong tune-up game.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph