SECTIONS
Tuesday, July 23, 2019

1st UAP President gikan sa Mindanao Dabawenyo

USA ka Dabawenyo ang napili nga modumala isip presidente sa pinakadako nga architects group sa Pilipinas bag-ohay lang.

Si Davao architect Benjamin Kimpo Panganiban Jr. na-instolar isip National President of the United Architects of the Philippines (UAP) atol sa simbolikanhong seremonya, gitawag og "Kalig-on: The 2018 Inaugural," gihimo didto sa Grand Regal Hotel niadtong Hunyo 30, 2018.

Ang kalihukan gitambongan ni Labor Secretary Silvestre Bello III isip Guest of Honor, kinsa mipahural ni Panganiban ug ang uban pang National Board of Directors nga gipahimutang sa buhatan.

Si Davao City Mayor Sara Duterte-Carpio mitambong sab sa okasyon ug mitimbaya sa mga architects sa lugar.

Sa iyang mensahe, ang bag-ong UAP national head nagtin-aw sa kaimportante sa liderato ug komitment ug nagpahimangno sa tanang Filipino architects "that everything you do has an impact to the profession, the professional, the professional organization and the professional product."

Iyang gihagit ang tanang mga miyembro sa UAP nga ipromotar ug protektahan ang propesyon.

Ang pag-angkon sa hagit makahimo sa usa nga "become more of a professional," dugang pa niya.

Ang pagkahimutang ni Panganiban sa taas nga posisyon sa accredited professional organization sa mga architects sa nasud nahitabo human nagmadaugon atol sa gihimong eleksiyon niadtong Abril atol sa tinuig nga UAP National Convention didto sa SMX Convention Center sa Pasay City.

Siya nahimong ika-26th National President sa UAP ug maoy una ug nag-inusarang Mindanaoan nga migunit og posisyon sa 43 ka tuig nga pagkamugna sa organisasyon.

Natawo ug midako sa siyudad sa Davao, si Benjie, segun sa tawag kaniya sa iyang mga higala ug mga kauban, mao ang ikatulong anak nga lalaki ni Dr. Benjamin Sr. ug Thelma Panganiban. Siya nagtuon og Bachelor of Science in Architecture sa University of Mindanao ug Masters sa Business Administration sa Ateneo de Davao University Graduate School.

Pinaagi sa iyang architectural firm, BKPanganiban Architects & Associates, si Architect Benjie naa na sa praktis sa architecture kapin na sa 30 ka tuig nga nag-specialize sa Design-Build Services ug nakahuman og daghang mga proyekto sa tibuok nasud ug sa pipila ka mga kasikbit nga kanasauran. Ning bag-o, iyang kompaniya naglambigit sa importasyon sa architectural finishing materials.

Sa wala pa siya nahimong National Presidency sa UAP, nagserbisyo siya sa organisasyon sa nagkadaiyang pamaagi. Siya nahimong presidente sa UAP Davao Chapter niadtong 1992-1993, District D1 Director niadtong 2012-2014, Executive Director sa Commission on Professional Practice niadtong 2016-2017 ug National Executive Vice President niadtong 2017-2018. Nahimo sab siyang charter member sa UAP Kadayawan Dabaw Chapter.

Ang bag-ong UAP National President nahimong instrumento sa pagdala sa Architecture Licensure Examination sa Mindanao, ilabi na Davao City.

Kaniadto ang board exam himuon lang sa Manila, Cebu, Legaspi ug sa Middle East.

Apan tungod sa paningkamot ni Panganiban ug dedikasyon, mga aspiring architects gikan sa Mindanao di na mobiyahe og layo aron nga mokuha sa pasulit. (PR)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph