ANG pambato sa Davao nga si Liaa Margarette Amoguis mirehistro og bag-ong Philippine junior national record sa girls 13-under 400-meter individual medley nga mioras og kinatibuk-ang singko minutos ug 19.62 segundos sa 42nd SEA Age-Group Swimming Championships didto Trace Aquatics Center sa Laguna bag-ohay lang.
Ang 11 anyos, kinsa nakakuha og bronze nga medalya, mitanggal sa marka ni Raven Faith Alcoseba's 5:26.26 tulo ka tuig ang milabay sa 2015 Batang National Championships sa Cebu.
Misunod siya sa 13 anyos na tanker sa Thailand nga si Kamonchanok Kwanmuang (4:57.26) ug Vietnam-ZZ's Vo Thi My Tien Tien (5:16.26) kinsa nakabulawan ug nakaplata sa maong han-ay.
"I didn't expect to break a Philippine record. I didn't know there was a Philippine record. I am happy to beat a record. It's also a miracle to also get a bronze," pahayag ni Amoguis, coached by Haroon Cali sa Holiday Gym and Spa, atol sa Facebook interview sa Sun.Star Davao.
Ang Dabawenya maoy ikaupat sa girls 13-under 200m butterfly ug 800m freestyle events dayon ikalima sa 100m butterfly. (MLSA)