Nagpalit druga online, nalit-ag

NA-RESCUE sa kapulisan sa Women and Children's Protection Desk (WCPD) sa Talomo Police Station ang usa ka 17-anyos kay nakig-transaksiyon sa nagtakuban nga pulis nga mobaligya og marijauna.

Giangkon sa usa ka Bobby (bansagon gitago), 17-anyos, taga Barangay Talomo Proper, Davao City nga ginapalit niya ang marijuana pinaagi sa online ug ihatud ra ngadto kaniya.

Ang menor de edad na-rescue alas 9 sa gabii niadtong Lunes didto sa NHA Bangkal kinsa nagkalapok kay nahulog sa kanal dihang mosibat na unta kay iyang namatikdan nga pulis ang mipalit kaniya.

Tulo ka mga linikit sa pinaugang dahon sa marijuana ang nakuha sa posisyon sa dinakpan ingon man marked money ug ang cellphone niini.

Mitug-an ang menor nga kusog na kaayo sa online paliton ang marijuana nga maoy sagad ginahimo sa iyang mga nakaila.

Ang nasampit nga menor de edad anaa sa pagkustodiya sa WCPD sa Talomo Police Station. (JPC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph