SUPERBALITA CEBU

4 anyos naigo atol sa buy-bust

Bladen Skyler Abatayo

KWATRO anyos nga batang lalake ang nakabsan sa kinabuhi human mapusili atol sa gihimong anti-drug operation sa Carbon police station pasado alas 2 kagahapon sa hapon sa Sitio Bato, Barangay Ermita sa siyudad sa Sugbo.

Si Bladen Skyler Abatayo wa na makaabot pang buhi sa Cebu City Medical Center human makaangkon og samad pinusilan sa dughan.

Nakadawat og tawag ang Carbon Police Station nga may nagsuyop og ilegal nga drugas sa usa ka abandonadong balay nga gihimong drug den.

Gipasusi dayon ni P/SInsp. John Kareen Escober ang gitawag sa usa ka concerned citizen ug nasuta nga may nagsuyop.

Pag-abot sa mga operatiba naabtan pa nila ang upat ngadto sa lima ka mga lalake sa ikaduhang andana sa balay nga nagre-pack pa sa gituohang shabu samtang ang uban nanuyop.

Nagpaila dayon ang usa sa mga kauban ni Escober nga mga pulis sila ug midiretso og tion sa dala niining armas.

Apan wa niini mabantayi ang usa ka lalake nga kalit lang milayog kaniya hangtod nga ang usa ka lalake nga wa usab mailhi ang nagpabuto sa armas.

Nahunong sila makadali sa linayugay apan human sa buto daling milayat ang upat ngadto sa lima ka mga suspek agi sa likod nga bahin sa balay.

Nakurat nalang si Escober nga aduna nay bata nga giingong naigo sa pagpamusil nga maoy hinungdan nga gisakay dayon nila kini sa ilang sakyanan ug gihatod sa tambalanan apan gideklara na nga dead on arrival.

Pulos way ikatug-an ang mga silingang panimay sa Bato Ermita kun kinsa ang nanag-iya sa drug den lakip na kadtong mga tawo nga naaktohan nga nanuyop. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph