SECTIONS
Thursday July 19, 2018
SUPERBALITA CAGAYAN DE ORO

17 anyos miluba sa 12 anyos kay sige'g sungogon og bayot

TUNGOD sa sige'g panungog og bayot, nilanding sa tambalanan ang 12 anyos human giluba sa 17 anyos niadtong Hulyo 10, 2018 mga alas 9:24 sa gabii sa Lapaz 1, Lapasan, dakbayan sa Cagayan de Oro.

Priso sa mini-cell sa Police Station 3 (PS3) sa Agora si John (dili tinuod nga ngalan), 17 nga residente sa maong dapit.

Samtang kritikal ang kahimtang ni Sam (dili tinuod nga ngalan), 12, sa susama nga dapit ug giingong myembro sa grupo nga Philippine National Gangster (PNG).

Sa pakighinabi sa SunStar SuperBalita kang John, gibutyag niini nga napuno na siya sa pagsige og pagpakaulaw kaniya sa maong bata sukad pa kaniadto hinungdan nga iya kining nalubaan.

“Gidunggab naman ko ana niya niaging bulan, rugby boy man na siya, sige ko niya’g abusaran, Mr. Bean, Bayot di mosukol bata gale og kontra, napuno naman ko sa iyaha, iya ko’ng gibirahan gabii, self-defense lang ko,” tipik sa pahayag niini.

Boluntaryo usab kining mitahan sa kapulisan kauban ang inahan human sa panghitabo.

Nakaangkon og duha ka mga samad dinunggaban si Sam ginamit ang icepick.


VIEW COMMENTS