SECTIONS
Monday July 23, 2018
SUPERBALITA CAGAYAN DE ORO

Babaye dunay deperensya naligsan, patay

PADAYON sa pagpanawagan ang El Salvador City Police Station sa lungsod sa El Salvador City, Misamis Oriental sa nakaila sa usa ka babaye nga naligsan niadtong Hulyo 10, mga alas 11:05 sa gabii sa Barangay Sinaloc, susamang siyudad.

Walay identipikasyon ang biktima ug naglatagaw kini sa kadalanan sa dapit.

Nabanggan kini sa usa ka Toyota Innova nga kolor pula nga gimaneho ni Maguintao Tantao.

Giingong nikalit og tabok ang biktima hinungdan nga naligsan kinsa dali nga gidala sa El Salvador Lying In apan patay na kining nahidangat.

Sa pagsulat ning balita, padayon nga nanawagan ang kapulisan sa pamilya niini aron ma claim ang patayng lawas.

Gikostudya na sab sa kapulisan ang driver sa sakyanan. (SVB)


VIEW COMMENTS