SECTIONS
Wednesday, September 26, 2018
SUPERBALITA CAGAYAN DE ORO

‘Patay gutom’ isyu giklaro ni Andanar

GIIINGONG walay kamatuoran ang report nga “patay gutom” ingon man habhab team ang mga sakop sa Presidential Communication Operation Office (PCOO).

Kini ang giklaro ni PCOO Secretary Martin Andanar atol sa paglusad sa Provincial Communication Officer Network (PCO-Net) niadtong Sabado sa Grand Caprice Limketkai Center.

Gisaysay ni Andanar nga niaging semana didto sila sa Surigao City aron ilusad gihapon ang PCO-Net apan iyang gikatingala ang post sa usa ka Edith Ging Caduaya, ang usa ka journalist nga nakabasi sa Davao City, nga sila nagdemanda og litson, crab, lobster ug uban pa ug gitawag pa nga habhab team.

Daghan ang nakabasa sa maong post ug miani ug nagkadaiyang reaksyon.

Tungod niini, giklaro ni Andanar nga walay kamatouran niini ug kini nga impormasyon maoy tinuod nga fake news.

Kung aduna siyay paborito nga kan-on mao ang usa ka chicken sa Bilang-Bilang ug dili mahitabo nga magkaona siya og daghan sa litson ug uban seafood tungod kay human niya kaon gatakiang siya niini.

Nanghinaot kini nga unta hunongon na ang pagpakatap og walay kamatouran nga impormasyon.

"Dismissed disinformation," kini ang panawagan ni Andanar dungan sa paglusad sa PCO Net.

Apan sa Facebook post ni Caduaya iyang gibutyag nga dili siya accountable.

"I am not accountable to you. You are accountable to the Republic. Stupid Act. Crazy idea," matud sa post niini nga giapilan og hashtag Team Habhab. (SVB)


VIEW COMMENTS