ANG panaghigala sa Facebook maoy hinungdan nga nagpusgay ang pagkababaye sa usa ka estudyante sa inilang unibersidad diin nagtungha sab ang suspetsado dinhi sa siyudad sa Davao niadtong Sabado.

Giingon nga usa pa lamang ka semana nga nagkaila ang biktima ug suspetsado pinaagi sa Facebook ug sa una nilang panagkita nagkasabot sila nga mag-inom ug mosulod sa lodging house.

Alas 10:00 ang takna sa gabii niadtong Sabado nahitabo ang pagpanglugos sa biktima nga minor de edad mao nga gitago sa Superbalita sa pangalan nga Krista, 16.

Si Krista nahimong higala sa suspetsado nga gitago sa pangalan nga Roland, 19, second year student sa kursong Information Technology ug nagpuyo sa Malvar Street.

Si Roland nasikop sa kapulisan sa alas 12:00 sa gabii niadtong Dominggo human midangop ang mga ginikanan sa biktima didto sa San Pedro Police Station.

Si Senior Police Officer 2 Kelvin Joy Magno, duty investigator, nagbutyag sa Superbalita nga iyang gisikop ang suspetsado human nila gi-text nga makigkita kaniya ang iyang hinigugma.

"Amo siyang gi-text ug among giingnan nga magkita sila sa iyang girlfriend," suma ni Magno.

Ang suspetsado naabtan sa Superbalita nga naghilak sulod sa selda sa kapulisan tungod sa dakong pagmahay sa iyang gihimo sa dalagita.

"Nagkakilala kami sa Facebook mahigit isang linggo na. Last Saturday nag-text ako sa kanya na mag-date kami sa mall. Nung nag-meet kami may marami siyang kasamahan na babae at lalaki. Galing daw sila sa Times Beach at medyo lasing. Nag-order kami ng beer kasi gusto pa niyang uminom. Pinakilala niya ako sa kanyang mga kaibigan na boyfriend niya. At sinabi ko sa kanya na tayo na ba? Pumunta kami ng Matina Town Square at doon kami nagkasundo na mag-rent ng room kasama ang kaibigan niyang babae. Nung nakapasok na kami sa loob, pinalabas niya ang kanyang kaibigan at doon kami nagsimulang mag-sex," suma ni Roland sa Superbalita.

Si Roland nagbutyag nga human nila gihimo ang pakighilawas iyang gihatud ang biktima sa balay sa ilang higala didto sa Coca-cola Village sa Matina.

"Pagdating namin sa Coca-cola Village, hindi niya ako pinapasok kasi magalit daw ang kanyang mga barkada na lalaki kaya umuwi nalang ako. Kinaumagahan, tini-text ko siya at tinanong kung nakauwi na ba siya. Sinabi niyang hindi siya umuwi. At nagulat nalang ako nung hinuli ako ng mga pulis," pahayag sa suspetsado.

Samtang giandam ang kasong lugos sa kapulisan, ang biktima gidala sa Davao Medical Center (DMC) alang sa medical examination.

Nanghinaot ang suspetsado nga pasayloon siya sa ginikanan sa biktima sanglit dili siya buot nga mabilanggo sa dugay nga panahon. (AD)