SECTIONS
Monday, September 24, 2018
SUPERBALITA DAVAO

10-anyos gilugos sa boarder

SIKOP sa kapulisan ug sa National Bureau of Investigation (NBI) Davao ang usa ka 33-anyos nga lalaki human gitudlong maoy milugos sa 10-anyos niadtong Mayo 21, 2018.

Niadtong Lunes, Hulyo 9, gisikop si Gerald (bansagon gitago), nag-renta lamang og mapuy-an sa Madapo Hills, Bankerohan, Davao City.

Ang dinakpan, boarder sa mga ginikanan sa biktima.

Giingon sa inahan sa bata nga mitug-an kaniya ang iyang anak sa nahitabo human gisakitan ang bata sa iyang kinatawo kung mangihi kini.

Gidugang sa inahan nga ginaatngan sa suspek ang iyang anak dihang maligo kini sa banyo nga komon sa boarding house.

“Kung maligo siya sa banyo, sugat-sugaton daw siya sa suspek. Ingon daw ang suspek nga, adto sa akong kuwarto, tagaan man taka'g kuwarta,” saysay sa inahan.

Sa gihimong eksaminasyon sa medico legal ngadto sa bata, migula nga positibo kining nalugos sa suspek.

“Sa medico legal, positive gayud siya nga na-rape,” sulti ni Joel Ayop ang personahe sa Special Investigation sa NBI-11.

Ang maong hitabo, gilimod sa suspek sanglit suma niini nga usa na ka igsuon ang iyang tan-aw sa biktima ug dili niya kini mahimo gumikan nag-respeto siya tungod diha siya nag-renta og kuwarto.

Ang suspek kasohan og Republic Act 8353 kon “The Anti-Rape Law of 1997” ingon man Republic Act 7610 kun “Special Protection of Children Against Abuse, Exploitation and Discrimination Act.”


VIEW COMMENTS