SECTIONS
Saturday July 21, 2018
SUPERBALITA CEBU

Kanhi barangay konsehal sa Cebu City gipusil patay

Motorsiklo sa gunman. Matod pa, nagsakay ang gunman ni Glen Mark Manal ani nga motor apan iyang gibayaan dapit sa North Reclamation Area. (Alan Tangcawan)

KANHI barangay konsehal sa Lorega San Miguel, Cebu City gipusil patay hapit na magtungang gabii sa Huwebes.

Si Glen Mark Manal gikan nagbilar ug sa dihang padung na mouli, gipusil kini sa wa mailhing tawo dapit sa merkado sa Lorega.

Ang gunman gasakay og motor apan gibiyaan kini sa dihang nakamatikod sa presensiya sa pulis.

Si Manal nidagan pagka-barangay kapitan sa Lorega niadtong eleksyon sa Mayo 2018 apan napilde.

Sa wa pa ang eleksyon, gipatawag siya sa Parian police commander kay naa kuno ang iyang pangalan sa narco list, matod sa usa ka tinubdan.

Kung nagpakita siya sa police commander, kini wala masayri atol aning pagsuwat sa nahitabo.

Ang balay ni Manal na-raid na sa una kay gidudahang naay gitagong drugas.

Ang iyang amahan anaa karon sa Cebu City Jail tungod sa kaso nga naay kalambigitan sa drugas. (MPS)


VIEW COMMENTS