SECTIONS
Monday, September 24, 2018
SUPERBALITA CEBU

Talk to Papa Joe: Dawaton gyud ka niya

Dear Papa Joe,

Tawga lang ko sa ngalan nga Cris, 30 years old, taga Lapu-Lapu city. Usa ko ka single mother ug wa gyud mi magdugay sa papa sa akong anak kay mabdos pa ko nibiya na siya nako sa rason siguro nga dili pa siya andam.

Nakaya nako ang pagpadako sa akong anak nga babaye nga teen ager na karon. Dili na unta ko gusto nga mahigugma pa kay kapoy na ang akong naagian pero di gyud diay nimo malikayan nga mopitik pagbalik ang imong kasingkasing. Nahimamat nako ning usa ka businessman nga kataligngan lang nako og edad, buotan ug maayo siya nako, Nagkahimamat mi ani niya pinaagi sa barkada ug sige og kuyog og outing hangtud nga nagkakami. Pero di ko kampante sa among future kay basin og paasahon na sad ko niya labi na nga gidungog ni siya nga palakero.

Karon, na-confuse ko. Gaduha duha ko nga modayon niya or undangon na lang. Palihug tambagi ko.

CRIS

Cris,

Samtang buhi pa, di gyud nimo malikayan nga mahigugma gihapon ug di sad nimo mabasol ang imong kaugalingon nga ma confuse kay na-trauma ka sa naagian nimong relasyon. Pero maayo man sad na ing ana ka para malikayan nimo nga mahisugamak og kapakyasan pag-usab.

Kon gidungog ang lalake nga palakero, di sad nimo pwedeng basihan sa iyang pagkatawo. Basin nangita lang siya og swak niya, basin ikaw na. Mas maayo nga mangutana ka niya unsay palano niya sa inyong relasyon knowing nga naa na kay anak. Dawat ba ka niya, apil ang imong anak. Andam ba siya nga moatubang sa mga sulti sa mga tawo labi na sa iyang pamilya. Kay kon andam na siya, mas maayo. Pero kon nagduha-duha pa siya , mao nay giingon nga timbang timbanga sa. Daghang salamat.

PAPA JOE

(sa inyong tampo ipadala lang sa papajoesuperb@gmail.com)


VIEW COMMENTS