SECTIONS
Monday, September 24, 2018
SUPERBALITA CEBU

JoshLia more than friends ang status?

JOSHUA Garcia ug Julia Barretto gidugokan sa fans atol sa ilang pagduaw sa Robinsons Galleria niadtong Sabado nga naghinam hinam nga makakita nila personal.

Kon ang gidaghanon sa mga tawo ang mitan-aw ang base sa mitan-aw sa pelikula nila ni Joshua ug Julia nga “I Love You, Hater,” seguradong box-office hit ang maong movie.

Sa gipahigayong press conference sa wa pa ang programa, direkta nga mitug-an sa ilang tinuod nga estado ang duruha.

“More than friends, less than lovers” kuno pero si Julia mismo ang niingon nga basin lovers kay di kuno siya mosugot nga gunitan ni Joshua ang iyang kamot sa publiko kon higala lang sila. O-ha!

Wa hinoon silay kissing scene sa I Love You, Hater pero andam sila sa mas delikadong mga esena sa umaabot. Atangi!

* * *

Inig basa ninyo niini, nahurot na tingali ang mga tiket alang sa konserto sa Cebuana diva nga si Morissette karong Sabado.

Anha kini pagahimoon sa Pacific Grand Ballroom sa Waterfront Cebu City Hotel & Casino.

Usa si Morissette sa maihap lang nga mga babayeng mag-aawit nga makahimo sa gitawag og whistle.

Laing makahimo niini si Mariah Carey siguradong himoon kini ni Morissette karong Sabado.

* * *

Mas nalingaw ko sa Ant Man and The Wasp kay sa Jurrassic World The Fallen Kingdom mas nindot ang istorya sa Ant Man ug nindot usab pagkahimo ang mga esena.

Nalingaw ko sa mga esenang mogamay ug modako ang mga sakyanan, building ug, syempre, si Ant Man ug ubang karakter.


VIEW COMMENTS