SECTIONS
Sunday July 22, 2018
SUPERBALITA CEBU

Nagpanikad na si Manny

Anak. Gisabak ni Philippine senator ug boxing hero Manny Pacquiao ka­uban ang iyang anak nga si Israel Paquiao kagahapon atol sa press confe­rence sa Kuala Lumpur, Malaysia. Si Pacquiao nakatakdang makigbatok kang WBA champion Argentine Lucas Matthysse karong Dominggo. (AP Photo)

BAG-ONG Manny Pacquiao ang mosaka ibabaw sa ring karong Dominggo aron mosuway pag-ilog sa korona ni World Boxing Association (WBA) welterweight champion Lucas Matthysse sa Axiata Arena sa Kuala Lumpur, Malaysia.

Mismong ang Pambansang Kamao sa Pilipinas ang nipabuhagay niini kagahapon atol sa usa ka press conference ug napatik kini sa www.abs-cbnnews.com.

“I am ready. I have never predicted the outcome of any of my fights but this training camp is special for many reasons. I am motivated. I am happy. I am hungry. I am excited to show the world a new Manny Pacquiao on July 15 (July 14 in the US) at the Axiata Arena here in Kuala Lumpur,” matod ni Pacquiao.

Wala mohatag og saktong detalye si Pacquiao kon unsa’y iyang buot ipasabot sa bag-o niyang kaugalingon.

Sa iyang pamahayag, gipalabtikan og saysay sa kanhi 8-division world champion ang kasamtangang nagpadayon nga soccer World Cup ug iya kining gilambigit sa mga kalampusan nga iyang nakab-ot.

“I have always been a boxer. Boxing has been my country’s (Philippines) source of pride and my humble contribution to my fellowmen. When I won one world title after another until we had 10 world titles in eight divisions, it felt like we have won the World Cup many times over,” dugang ni Pacquiao.

Wala man tuod siya mohatag og pangagpas apan nagkanayon ang fighting senator nga naglaom siya nga grabeng binukbokay ang iyang masugatan batok kang Matthysse, kinsa usa ka lehitimong knockout artist ug makapamatuod niini ang iyang rekord nga 39-4, 36KOs.

Si Pacquiao, kinsa mag-40 anyos karong Disyembre, mosagubang sa labing una niyang away gikan niadtong giilog ni Australian Jeff Horn ang iyang World Boxing Organization (WBO) welterweight belt pinaagi sa unanimous decision niadtong Hulyo 2 sa miaging tuig sa Brisbane.

Nagkanayon si Pacquiao nga mismong siya maoy nipili kang Matthysse aron himuong kontra sa iyang pagbalik og away tungod kay sayod siya nga ang ilang tagsatagsa ka estilo makahatag og katagbawan sa mga tumatan-aw.

Si Pacquiao adunay 59-7-2, 38KOs nga rekord.

Sa iyang bahin, si Matthysse nipadayag sab sa iyang kaandam ug determinasyon alang ning awaya.

Wala man tuod niya giklaro pagsulti apan tataw nga adunay intensyon si Matthysse nga mailado sa tibuok kalibutan nga maoy magparetiro kang Pacquiao.

“Pacquiao is a great fighter, but he hasn’t faced The Machine yet,” matod ni Matthysse, kinsa gianggaan og “The Machine.”

Gipasabot ni Matthysse, 35, nga sukad pa sa una, iya nang gipangandoy nga ikaparang si Pacquiao.

“I’m honoured to face him. But I’m here to defend my title,” batbat ni Matthysse.

Mismong ang promoter ni Matthysse nga si legend Oscar De La Hoya, CEO sa Golden Boy Promotions.

“I’m so proud of Pacquiao – he has become one of most important legends of boxing, and outside the ring as well, by building bridges between countries and attracting youths to become fighters. Matthysse is a dangerous fighter. So you will see two fighters giving their best,” asoy ni De La Hoya.

Ang panagharong nil ani Pacquiao ug Matthysse maoy sa labing dakong away nga mapahigayon sa Malaysia sunod nila ni Muhammad Ali batok Joe Bugner niadtong 1975. (ESL)


VIEW COMMENTS