SECTIONS
Monday, September 24, 2018
SUPERBALITA CEBU

Baste di modaog kon modagan og mayor sa Danao?

BISAN di motuo sa nabaniog nga taho nga si Sebastian “Baste” Duterte mokandidato sa pagka mayor sa dakbayan sa Danao apan ang mga sakop sa Barug Alang sa Kauswagan ug Demokrasya (Bakud) kompiyansa nga mogawas nga mananaog sa eleksiyon sa Danao sa sunod tuig.

Si Cebu Vice Gov. Agnes Magpale, sakop sa Bakud, niingon nga wa sila magtuki sa partido bahin sa giingong pagkandidato sa anak ni Presidente Rodrigo Duterte isip mayor sa Danao.

Hinuon, giangkon ni Magpale nga nakadawat usab siya sa taho bahin sa pagkandidato sa Danao sa kamanghurang anak sa Presidetent.

Ug bisan tinuod ang taho bahin sa tinguha ni Baste sa Danao, si Magpale niingon nga ang kasamtangang si Danao City Mayor Ramonito “Nito” Durano III makakuha gihapon og dakong mayoriya human ang kasagaran sa 42 ka mga barangay sa dakbayan kaalyado sa ilang partido.

Gitawagan sa Sun.Star Cebu ang Commission on Election (Comelec) Cebu province nagkanayon nga wa malista sa mga botante ang pangalan ni Baste Duterte sa Danao sapagkakaron.

Nasayran sa pipila ka tinubdan sa Danao nga si Basti nakita nga nagsuroysuroy sa kabarangayan sa Danao miaging eleksiyon sa Danao apan wa hinuon matino ang tuyo niini.

Ang pamilya ni Presidente Duterte dunay ka gikan sa Danao sa wa pa molalin ang iyang mga ginikanan sa dakbayan sa Davao. Si Duterte mismo niangkon nga usa ka Sugbuanon. (SunStar Cebu)


VIEW COMMENTS