WA GITAGAD sa kampo ni Pinoy superstar Senator Manny Pacquiao ang bahad sa kampo ni WBA welterweight titlist Lucas Matthysse nga patumbahon niini ang “Fighting Senator” sa nakatakda nilang away sa Dominggo didto sa Kuala Lumpur, Malaysia.
Kini ang sulti ni Aquiles Zonio, media relations officer ni Pacquiao, human ang gihimong media workout Huwebes, Hulyo 12, sa Hotel Le Meridian.
Una nang gisulti sa Argentinian boxer nga siya ang magparetiro ug mohuman sa boxing career sa Pinoy ring icon.
Apan sumala ni Zonio, basin di paabuton ni Pacquiao sa unom ka rounds ang away diin kuyaw matud pa ang ginapakita sa Pinoy champ kon itandi sa mga milabay niyang away.
Sa press conference, gibutyag sa Senador nga naghinam-hinam na siyang ipakita sa fans sa maong nasud ang resulta sa iyang preparasyon, “We are locked and loaded. I am more than ready and excited to show Malaysian fight fans the fruits of hard training and preparation. We had a very great training camp and I cannot wait to fight on Sunday.”
Samtang bahin ni Lucas, kompiyansa nga siya ang modaug sa away diin anaa siya sa maayong kondisyon, “I feel 100 percent sure that I will succeed in this fight. I trained very hard to defend my title in Malaysia. I've already gotten used to the weather and time here. I'm in great condition, and I promise a great performance to the entire world.”