SECTIONS
Monday, December 17, 2018

Pagbusikad sa IED sa construction site giimbestigahan

DATU PAGLAS, Maguindanao Province -- Padayon nga giimbestigahan sa mga awtoridad ang pagbusikad sa improvised explosive device (IED) alas 7:40 sa gabii niadtong Miyerkules, Hulyo 11.

Gibutyag ni Maguindanao Police Provincial Office director, Senior Superintendent Edwin Wagan nga ang bomba mibusikad sa construction site sa public market sa Barangay Poblacion, Datu Paglas.

Wala hinuoy naangol o namatay apan nakamugna kini og sobrang kahadlok sa mga tawo.

Nasayran nga ang bomba gama sa bala sa 40 mm, nga gisagulan og lansang, blasting cap ug 9 volts battery.

Grupo sa Bangsamoro Islamic Freedom Fighters (BIFF) ang gitudlo nga suspek sa pagpabusikad niini.

Kahinumdoman nga niadtong miaging semana, gisulong sa BIFF nga gipangulohan ni Kumander Solaiman Tudon ang Sitio Mupak, Barangay Poblacion sa Datu Paglas apan abtik nga nakaresponde ang mga sakop sa 1st Mechanized Brigade, 33rd IB ug PNP-SAF diin na-engkuwentro niini ang mga rebelde.

Upat sa BIFF ang napatay samtang laing 19 ang naangol sa usa ka adlaw nga binakbakay. (Edgar E. Fuerzas)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!