SECTIONS
Wednesday, September 26, 2018
SUPERBALITA CAGAYAN DE ORO

‘Lockdown’ policy gilauman nga mapatuman

GILAUMAN sa mga hingtungdang ahensiya nga mahimong ordinansa ang “Lockdown” policy alang sa mga tinun-an ug mga trabahante panahon sa pagbaha sa dakbayan sa Cagayan de Oro.

Ang lockdown policy nagpasabot nga panahon sa pagbaha dili na ipagawas sa mga tunghaan ang mga tinun-an, dili na ipagawas sa opisina ang mga trabahante alang sa ilang seguridad.

Gibutyag ni City Disaster Risk Reduction and Management Office (CDRRMO) overseer Col. Mario Verner Monsanto dunay pagahimuon nga public hearing kalabot niini.

“Lockdown policy especially for schools, if there is flooding, when there is threat outside the school, outside the office, then you don’t have to go out didto ka na, magpuyo ka na didto,” tipik sa pahayag ni Monsanto.

Matud ni Monsanto nga lakip sa plano niini nga himoong ordinansa nga dili pugngan sa mga establisimento ang mga tawo nga mosulod sa ilang patigayon labina sa mga Malls panahon sa pagbaha.

Nanghina-ot si Monsanto nga unta mo partisipar ang mga tunghaan lakip na mga business establishments sa gitingohang polisiya alang na usab sa seguridad sa tanan ilabi na sa mga estudyante.


VIEW COMMENTS