SECTIONS
Monday, September 24, 2018
SUPERBALITA CAGAYAN DE ORO

16 anyos gi-gang rape

UNANG gihubog usa gitabangan og lugos sa iyang mga kainom ang usa ka 16 anyos nga dalagita niadtong gabii sa Hulyo 10 sa Brgy. Danao, lungsod sa Jasaan, Misamis Oriental.

Ang biktima nga itago sa pangalan nga Lilet nisaysay nga nag-vigil lamang sila sa namatyan ug dinhi ilang gisugdan ang tagay.

Apan gituohan niining ang giinom nga ilimnong makahubog gibutangan og vetsin sa iyang mga kainom tungod kay nawad-an siya og panimuot.

Maoy iyang namat-an nga wala nay sapot ug anaa na sa ngitngit ug kasagbotan nga dapit.

Giila sa biktima ang iyang mga kainom niadtong gabhiona nga mao sila Jan-Jan, Jek-Jek, ug Jason pulos hingkod ang edad, residente sa susamang dapit.

Si Police Officer 1 Neil Gamalo sa Jasaan Police Station niingon sa SunStar SuperBalita nga uwahi nagpatabang ang biktima kanila apan karon nga mitaho sa ilang buhatan ila dayon gihimo ang hot pursuit operation nga miresulta sa pagkasikop sa duha ka mga suspek. Samtang padayon pa nga gipangita ang laing usa ka suspek.

Ang biktima gipaubos na karon sa medical examination.


VIEW COMMENTS