MIKABAT sa 70 nga mga beterano ug bag-ohang siklista ang midomina sa 1st Araw ng Ma-a ug Tropang Trumpo Mountain Bike Challenge sa Riverside Camarin, Barangay Ma-a bag-ohay lang.
Nagtigi sila sa 2,350-meter challenge sa torneyo nga gi-organisa sa Tropang Trumpo Davao Bikers Association kauban ang RaceLink ug Barangay Ma-a Sports Division ug kini gi-isponsoran sa Jenson Land Realty, Superstar Coconut Products, Lots4Less ug EZ Ride Central Cycle.
Si Mario Buro, 14, gipangpildi ang laing 10 riders aron modaug sa youth category diin nakadwat siya og tropeyo ug premyong kuwarta P1,000.
Samtang si kanhi Southeast Asian Games gold medalist Dominic Carpio gipayakbo sila Carlofer Salonga, 51; ug Hilario Ladra, 54, alang sa masters 50+ category.
Ang laing mga midaug mao sila veterans - Glen Yap, champion; Dominador Garcia, ikaduha; Zaldy Pielago, ikatulo;
junior-senior - Melchor Labaya Jr., champion; Jayrald Daraydo, ikaduha; Orlando Sabijon, ikatulo; Reymond Madera, fourth; ug Rodel Villaver, ikalima; elite - Ronnie Urdaneta, champion; Melchor Labaya Jr., ikaduha; and Nathaniel Carisma, ikatulo; youth - Mario Buro, champion; Francis Jay Guilaran, ikaduha; ug Dion Tristan Pinton, ikatulo.