Davao Aguilas target modaug kontra Ceres Negros FC karon

MISALIG ang Davao Aguilas Football Club (FC) sa maayong panglawas, teamwork ug home court advantage aron modaug sa Philippines Football League (PFL) duwa batok sa defending champion Ceres Negros FC, alas 4 sa hapon karong adlawa didto sa Davao del Norte Sports and Tourism Complex sa Tagum City.

Atol sa Davao Sportswriters Association (DSA) Forum didto sa The Annex of SM City Davao, si Davao Aguilas FC coach Melchor Anzures miingon nga ang Ceres Negros FC, usa ka bug-at nga kalaban.

Apan ang Dabawenyong coach misulti, “We are 105 percent ready. May kumpyansa kami. We are making adjustments in our defense... a lot of adjustments in our central back with Tyler (Matas), we are putting him in the middle.”

Ang Davao Aguilas FC, maoy nag-inusarang Mindanao team sa second PFL season, mitabla sa JPV Marikina FC niadtong Hulyo 7 samtang Ceres Negros FC gipalukapa ang Kaya FC, 1-0, niadtong Lunes.

Si James Younghusband, kinsa bisita sab sa DSA Forum uban ang igsuong Phil, ug teammates Matas, Joshua Jake Grommen ug Omar Hajji Khan, misulti nga ang duwa nila karon ang pinakadako.

“We are looking forward to the game. We played some great football in our last game. The team is looking sharp, looking good. Good thing that we are playing in Davao, our home place,” ni James.

Ang duwa sa Davao Aguilas FC batok Ceres Negros FC libre tan-awon. (Marizz R. Perez)