SUPERBALITA CEBU

Sikyu, laing 6 gidakop atol sa buy-bust sa Lapu-Lapu City

USA ka sikyu ug laing unom ang nasikop sa gipahigayon nga lain-laing buy-bust operation sa siyudad sa Lapu-lapu.

Usa ka sikyu nga giila nga si Benclear Sorono Badayos, 27, taga sitio Ticgahon, Brgy. Bankal, siyudad sa Lapu-lapu ang nasikop atol sa gipahigayong buy-bust operation sa Pajac Proper, Barangay Pajac, siyudad sa Lapu-Lapu pasado alas 8:30 sa gabii niadtong Hulyo 12, 2018 nga niresulta sa pagkasikop niini.

Nasikop sab si Ritchie Maramara Bongangciso, 42, nalakip sa Lapu-Lapu City police Office watchlist ug usa ka surrenderee, taga Purok Judas Belt, Brgy. Babag, siyudad sa Lapu-lapu.

Nadakpan sab sila si Avelino Maranga Mangubat, alyas ‘Arjie’, 37; Ana Aselo Pino, 38; Joshua Suwaybagio Potot, 19: Alex Osoyos Ferolino, 40; ug Julieta Deco Berdin, 36; nga lumulupyo sa Purok 5 Star, Brgy. Babag sa dakbayan sa Lapu-Lapu.

Nakuha kang Badayos ang 11 ka gagmayng pakite sa gituohang shabu lakip na niini ang subject of sale nga gibana-banang 0.44 gramos ang gibug-aton ug gibana-banang nagkantidad og P5, 192.

Apil ang tulo ka P100 isip buy-bust money lakip ang P600 nga gituohang kita sa ilegal nga kalihukan.

Gikan nilang Mangubat alyas ‘Arjie, Pino, Potot, Ferolino, ug Berdin ang 33 ka gagmayng pinutos sa gituohang shabu.

Gibana-banang may gibug-aton kining 1.3 ka gramos nga muabot sa kantidad nga P15, 576.

Nakuha sab gikan sa mga suspek tulo ka P100 nga giingong buy-bust money.

Nakuhaan si Bonifacio og 13 ka gagmayng pakite aa gituohang shabu lakip niini ang subject of sale nga gibana-banang 0.39 gramos ang gibug-aton nga adunay kantidad nga P4,602, tulo ka usa ka gatos isip buy-bust money ug P600 nga gituohang kita sa illegal nga kalihukan. (Reyna Mae Fatima Lopez, Ma. Devorah Taneo, USJ-R Interns)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph