MOPAKITA’G aksyon si ex-PBA Gilbert Demape isip playing coach sa Cebu Institute of Technology (CIT) Wildcats sa 2010 Cesafi-sanctioned Partner’s Cup.

Giingon nga kini ma-oy labing unang higayon nga adunay playing coach ang usa ka mayorihiyang torneyo dinhi sa Sugbo.

Click here for stories and updates on the Sinulog 2010 Festival.

Ang gitawag kanhi og “Michael Jordan of Cebu” maoy usa sa mga reinforcement sa Wildcats sa pagpakigharong niini sa University of Cebu (UC) Webmasters sa pagbalik sa aksyon sa Partner’s Cup karong Sabado sa Cebu Coliseum.

Nagkanayon si Dema-pe, kinsa mao nay nag-coach sa Wildcats sa Ce-safi sa miaging tuig, nga dili pa gyud siya sa segu-rado kon moduwa na ba siya karong Sabado.

Gipasabot niya nga nagpakondisyon pa siya og balik apan iyang giklaro nga magdala na lang sab gyud siya’g uniporme ingkaso nga kinahanglanon ang iyang presensya sulod sa korte.

“Karon gud mura‘g bug-at pa ko maong di pa ko maka-sure kon makaduwa nako karong Sabado. Pero nalista na ko as playing coach,” matod ni Demape.

“Nagdepende pa gyud ni sa sitwasyon. Kon tan-aw nako nga kinahang-lanon gyung mosulod ko, moduwa ko pero kon dili, okey ra sab,” dugang niya.

Matod ni Demape nga mismong si CIT athletic director ug kanhi CIT coach nga si Alex De La Torre ang nihangyo kaniya nga moduwa kay kuwang pa kaayo sa kasinatian ang ilang pointguards.

Si Demape maoy usa sa lima ka reinforcements sa Wildcats. Ang uban mao sila si Sherwin Abobo, Sherwin Resilla, Jerry Ja-ca ug Jerry Cavan.