KAKUGI ug katarong ang akong nakita sa pagkatawo sa nitaliwan na sa laing kalibotan nga si Press Secretary Cerge Remonde. Di maluya sa mga trabaho nga isangon ngadto kaniya tungod sa gugma ug dedikasyon.

Kini maoy akong naobserbahan sa wapa kini makahupot og taas nga katungdanan sa Malakanyang ug dinhi pa siya sa Sugbo, nanginabuhi.

Click here for stories and updates on the Sinulog 2010 Festival.

Mao sab kini ang nakita sa mga kauban namo sa buhat sa media sa Sugbo ug sa mga tawong nakaila kang Cerge.

Nagkasuod mi Cerge dihang natudlo siya isip pango sa Kapisanan ng mga Broadcaster ng Pilipinas ug sa Sugboanong Komentaristang Nagpakabana (Sukna). Ang Sukna kapunongan sa mga banggitan ug dekalidad nga mga komentarista sa radio.

Tungod sa kakugi ni Cerge maayo ang dagan sa kapunongan nga iyang giduma. Mao nga wala makabalibad dihang iya kung gikuha isip district coordinator sa Dangerous Drugs Board ( DDB) kay siya man sab ang natudlo nga regional coordinator ug iya sab kong gikuha sa DYLA ang sibyaan nga iyang gi-manage.

Sayang kay ang sobra kakugi mao may hinungdan sa iyang kamatayon human giataki sa sakit sa kasingkasing tungod sa kakapoy ug presyor sa iyang trabaho.

Ug ako manghinaot nga dunay motumaw nga laing Cerge nga mosunod sa iyang mga maayong nahimo ug ehemplo.

4TH DISTRICT ALEGRE

Nahimong alegre karon ang pulitika sa ikaupat nga distrito sa lalawigan sa Sugbo, kini human nipagawas og hukom ang Korte Suprema nga si Tining Martinez maoy nahimong mananaog.

Apan, si Kongresista Benhur Salimbangon nga niduso og motion for reconsideration sa ikaduhang higayon ug ang pabiling giila sa liderato sa Kongreso nga maoy kongresista, sigon pa sa pagpasabot ni House Speaker Prospero Nograles.

Gani ang pangan paman ni Benhur ang naa sa listahan sa Kongreso ug wa man gyud ilha si Tining atol sa gipahigayong session niadtong Lunes.

Mao nga di angayang maglibog ang katawhan. Ang atong tuyo way lain, mao ang paghari sa kalinaw ug di ang kasamok.

Nahinumdom ta nga sa miaging election sa pagkulata sa mga batabata sa pamilyang Martinez sa usa ka sakop sa media nga si Alex Badayos, chief photographer sa Sun.Star Cebu, nga way labot sa away nila sa pulitika.

(Email;efren_lonzon@yahoo.com)