ANG Davao City Risk Reduction Management Office (DCRRMO) naghangyo sa Dabawenyo nga moapil sa himuong Second Citywide Shake Out Drill karong Hulyo 27, 2018.
Sumala ni Lyndon Ancajas, DCRRMO Administrative Officer, nga importante alang sa Dabawenyo nga moapil niini nga programa aron masayran ang mga butang nga himuon panahon sa emerhensiya sama sa linog ug tsunami.
“The purpose of conducting the drill is to develop disaster resilience in our communities. It is very important that they know how to prepare during and after an earthquake,” ingon ni Ancajas.
Giingon sa opisyal nga kinahanglan masayod ang katawhan aron mahibalo na sila sa angay nga buhaton ugaling di pa kaabot ang mga responder sa dapit.
Ang DCRRMO Admin Officer nagbutyag nga ang maong drill salmutan sa katawhan gikan sa pribado ug publikong sektor, barangay, mga tunghaan, ug government agencies; ingon man ang private companies sama sa malls ug hotels.
Dugang niini nga ang maong earthquake ug tsunami drill karong tuiga, sentro niini mao ang hospitals, nga maoy gikonsoderang 'most vital establishments' atol sa maong panghitabo.
“One of the key establishments that needs to be intact or running are the hospitals because we have injured people. They have to be there to cater to the needs of the patients,” sulti ni Ancajas.
Atol sa drill, ang DCRRMO magset-up ug usa ka “field hospital” sa unang higayon, diin didto ipangbutang ang mga samaran atol sa dril.
Si City Administrator Zuleika T. Lopez nagbutyag sab nga posibleng adunay makabsan sa kinabuhi kung moabot ang linog ug tsunami.
“It is important that we take part and we know the basic things to do when there is a disaster, we should always have presence of mind,” ingon ni Lopez.
Gi-awhag sab sa opisyal nga mosalmot gayod ang mga Dabawenyo gumikan usa kini ka dakong tabang sa tanan.
“Practice makes perfect. If ever a disaster happens, we will not be at a loss on what to do – we will be ready,” butyag pa ni Lopez.
Ang earthquake ug tsunami drill magsugod alas noybe sa buntag.
Sa miaging tuig, ang first citywide Shake Out Drill gipahigayon niadtong Hulyo 14 diin gisalmutan sa dul-an 500,000 ka mga participante gikan sa pribado ug publikong sektor. (Jeepy P. Compio/CIO)