DAGHAN ang nalipay sa kadaugan ug vintage performance ni Pinoy ring icon Senador Manny "Pacman" Pacquiao batok kang Argentinian boxer Lucas Matthysse nga nasungkit ang WBA regular welterweight title didto sa Axiata Arena, Kuala Lumpur, Malaysia pinaagi sa technical knockout (KO), Dominggo, Hulyo 15.
Apan luyo niini, duna sa'y pipila ang mi-kuwestiyon sa iyang pagdaug human nakita nga may giyawyaw ang pambato sa Argentina ngadto sa referee nga si Kenny Bayless nga kalit mihunong sa iyaha og ihap dihang nagawas niya iyang mouthpiece human maigo siya sa uppercut sa Pinoy champ sa ikapitong round.
Nasayod nga ang Senador dunay MP Promotions nga maoy midala sa away sa maong nasud basin giingong gi-mafia ang duwa nga ipadaug ngadto kang Pacquiao aron di makauwaw.
Sa maong daug, nakuha ni Pacquiao ang ika-60 daug uban ang pito ang pildi ug duha ang tabla lakip ang 39 KOs samtang si Matthysse dunay 39-5, 36 KOs.
Kini sab ang unang higayon nga midaug siya pinaagi sa "stoppage" sugod niadtong 2009 dihang gipildi niya si Miguel Cotto sa 12th round.
Samtang, posible nga di pa mo-retiro ang eight division world champion.
Nakabawi sab si Pacquiao sa nahitabo niadtong Hulyo 2017 dihang napildi siya sa kontrobersiyal nga 12-rounds bout kontra Jeff Horn sa away nga gihimo sa Suncorp Stadium sa Brisbane, Australia.
Nahimong makasaysayanon sab kini tungod personal mitan-aw sa away ni Pacman sila Pangulong Rodrigo Duterte ug si Malaysian Prime Minister Mahathir Mohamad.
Nagpaabot og mensahe si Duterte ngadto kaniya, "I would like to congratulate Senator Manny Pacquiao for giving us pride and bringing the Filipino nation together once more. You have proven time and again that you are not just a public servant, but one of the greatest boxers of all time. This win will surely cement, yet again, your position and legacy in boxing's Hall of Fame. May you continue to inspire Filipinos not only in boxing but also in the public service. Daghang salamat, Manny! You are truly the People's Champ!" matud pa sa presidente.