PIPILA sa mga celebrity ug politician ang tuyo nga mibiyahe sa Kuala Lumpur, Malaysia aron sa pagsaksi live sa ayaw ni Manny Pacquiao batok sa Argentinian boxer Lucas Matthysse kagahapon.
Gawas ni Presidente Rodrigo Duterte uban sa iyang anak nga si Sebastian “Baste” ug special assistant to the Pres. Christopher “Bong” Go, didto sab si Senator Vicente Sotto III, JV Ejercito, Ralph Recto ug ubang opisyal.
Spotted sab si kanhi Senador Ferdinand “Bongbong” Marcos Jr. nga matod pa personal siyang gi-imbetar sa usa ka Malaysian official taho sa GMA News.
Didto sab sa Axiata Arena, KL ang magtiayong Max Collins ug Pancho Magno ug “Unang Hirit” host sa GMA nga si Regine Tolentino uban sa mga OFW nga nag-atang sa maong venue. (B)