Editoryal: Andam na ang Sugbo?

NGILNGIG ang kadaot human gitay-og sa kusog nga linog ang nasod nga Haiti diin gibanabana nga kapin na sa 200 mil ang nangamatay.

Mga tag-as nga edipisyo nangahugno sa sentro nga dakbayan sa Port Au- Prince diin lakip sa namatay mao ang pipila ka Filipino nga kabahin sa United Nations (UN) peacekeeping force ug sibilyan.

Nakurat ang kalibotan ug daling nagkahiusa sa pagtabang sa maong nasod karon.

Ang linog, bag-yo ug ubang katalagman, lakip sa sunog, di nato matag-an. Labaw nga way igong gahom ang tawo sa pagsanta niini.

Hinuon, ang epekto sa katalaglam ngadto sa kinabuhi mahimong kaminosan pinaagi sa kaandam sa usa ka organisadong komunidad uban sa pagpangulo sa mga hingtungdang ahensya sa kagamhanan.

Ang nahitabo sa Haiti nakapapukaw sa atong pagpamalandong, andam ba kaha ang Sugbo sa emerhensya o katalagman?

Nasayod kita nga paspas ang paglambo sa Haring Dakbayan, nanubo ang taas kaayong mga edipisyo ug nagkahuot ang trapiko.

Apan wa kita makadungog nga nilambo ang mga kahimanan ug kahibalo sa mga kawani sa ahensya alang sa mga emerhensya.

Wa usab kita makadungog nga dunay pagkabana ug lakang ang lokal nga kagamhanan bahin sa pagpangandam sa emerhensya nga katugbang sa paspas nga paglambo sa dakbayan - ang pagsagop sa mas modernong pamaagi sa pagdumala sa emerhensya.

Pananglitan, ang kabomberohan. May kapasidad kaha kini sa sunog sa kapin sa singkwenta nga kaandanang edispisyo?

Unya na ba kita molihok kon maigo na?

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph