DUHA ka mga mayor nga sakop sa ikaupat nga distrito sa lalawigan sa Sugbo nangayog police escorts.

Ang duha nga niadto sa buhatan ni Cebu Provincial Police director, Chief Supt. Erson Digal mao sila si Democrito Diamante, kandidato sa pagka-mayor sa Tuburan ug usa ka negosyante ingon man si Mayor Geraldine Yapha sa lungsod sa Pinamungajan.

Si Diamante nibutyag nga wa siyay nadawat nga hulga sa iyang kinabuhi apan tungod kay panahon karon sa eleksyon ug adunay mga kampanya gikinahanglan usab nga aduna siyay kuyog nga pulis.

Click here for stories and updates on the Sinulog 2010 Festival.

Matod ni Diamante nga usa sa iyang gihimong basihanan sa pagpangayog police escort mao ang pagpusil sa iyang supporter nga barangay tanod sa barangay Otso niadtong nakalabayng buwan.

Sa iyang basin, si Yapha niingon nga lain ang iyang tuyo ni Digal, apan iya nalang nga gipahimuslan ang higayon sa pagpangutana kon unsay gikinahanglan aron mahatagan siya og police escort.

Gitataw ni Yapha nga malinawon karon ang ilang lungsod ug way angay kabalak-an.

Hinuon bisan pa niini iya karong gitun-an ang pagpangayog pulis nga makabantay kaniya karong panahon sa kampanya.

Nasayran sugod niadtong Enero 10 nagsugod na ang election period ug gikuha na usab ang tanang pulis escort sa mga opisyal sa gobiyerno ug individual. DRT

Gipatik sa mantalaang Sun.Star Superbalita Cebu sa Enero 27, 2010.