SAMA sa naandam malinawon ang tibuok syudad sa Sugbo lakip na sa tibuok Central Visayas atol sa away ni Senador Manny Pacquiao batok sa Argentinian boxer nga si Lucas Matthysse sa Kula Lumpur Malaysia kagahapon sa buntag.
Matod ni Sr. Insp. Arieza Otida Information Officer sa Cebu City Police Office nga walay natala nga krimen sa 11 ka police station sukad alas 11 sa buntag hangtod sa alas 2 sa hapon.
"Please be informed that based on the reports of police stations 1-11, there were no crime incident/s happened within their respective area of responsibilities during the said fight,” matod ni Sr. Insp. Arieza Otida.
Nagmingaw usab ang kadalanan sa syudad gikan sa alas 8 sa buntag hangtod na sa hapon nga nagpasabot matod ni Otida nga nakatutok ang mga Sugboanon sa ilang tagsa-tagsa ka telebisyon sa panimalay.
Bisan sa nagpadayon pa ang duwa sa boksing sa Malaysia diin halos tanang Pinoy nakatutok sa telebisyon. (AYB)