SA padayon nga panagbangi ni Cebu City Mayor Tomas Osmeña ug Land Transportation Office (LTO) 7 regional director Victor Caindec, gipaabot nga posibling way traffic enforcer nga modumala sa trapiko karong adlawa sa padayon nga gitrabaho nga underpass sa Mambaling eskina F. Llamas.
Si Cebu City Transportation Office (CCTO) operations chief Francisco Ouano nipahibawo nga mando sa mayor nga ibalhin ang 24 ka enforces nga naa sa Mambaling ngadto sa Ban-Tal area.
Tambag ni Ouano sa mga motorista hilabi na sa apektado nga mosayo kini og lakaw o biyahe aron dili kini ma late sa trabaho o kaha sa eskwela.
Si Caindec, sa iyang bahin, niingon nga kinahanglang legal nga dokumento nga nagpamatuod nga di nakaya sa usa ka mayor ang pagdumala sa trapiko aron makatabang ang ilang ahensiya.
“Tomas’ statement is just what is - talk. What defines Mambaling? Which areas are covered by our “responsibilities” nga kunuhay iya i-turnover? I need a legal document that says that as Mayor of the city, he is now unable to manage city streets and giving the responsibility to LTO," matod ni Caindec.
Dugang sa direktor nga aduna’y upat ka kondisyon ang gikinahanglan aron ang LTO na ang modala sa problema sa trapiko sa Mambaling.
“He needs to (1) define the scope of where specifically he is giving up responsibilities in traffic (2) what functions under traffic management is he giving up (3) the defined metrics of traffic performance including the baseline measure of where we are as well as the standards by which to measure (4) the specific tipping point by which he will resign and the terms of his exit/resignation." dugang niya.
Gihulagway usab ni Caindec nga paagi ra ni sa mayor aron mahulog kini nga dawat og limpyo.
Apan si Osmeña sa iyang Facebook Post kagahapon nihatag og tanyag sa LTO 7, “Cebu City will assign additional personnel and equipment to LTO-7 to assist them in processing the 13,000 backlogged registrations in their office. We ask for nothing in return.”
Dugang ni Osmeña nga gitabangan ni Presidential Assistant for the Visayas Michael Dino si Caindec sa pagsulbad sa giingong pag-take over.
Apan si Caindec niklaro nga dili sila mo take-over ug wala’y national government nga mo-take-over hangtod nga aduna’y kasabutan nga dili na mahimo sa kapasidad ni Osmeña ang pagtubag sa problema sa trapiko sa Mambaling, “ambot diin siya gikan ana.”
Pasabot sa direktor nga desperado na ang mayor tungod kay aduna’y mga klase nga magsugod karong adlawa. “We’re not gonna deploy in Mambaling,” matod ni Caindec.