ANG 1st Land Transportation Office (LTO) Safety Fun Run ilusad sa Hulyo 22, 2018, Dominggo, sa LTO-Davao Regional Office sa dalang Quimpo Boulevard, Davao City.
Ang fundraising fun run usa ka pagpaabot og mensahe sa pipila ka balaod sa transportasyon aron makatabang sa pagkunhod sa taas nga ihap sa aksidente sa kalsada.
Ang matigum nga kuwarta sa kalihukan ihatag sa Indigenous People (IP) students sa “Tabang Pa-Eskwela sa Tribo” program of National Commission on Indigenous People (NCIP)-Davao Region.
Dunay kategoryang 3 kilometro, 5K ug 10k sa kantidad P350 lakip na ang t-shirt, race bib, snacks, ug raffle coupons.
Mamahimong magpalista sa LTO 11 Employees Cooperative, LTO District Offices sa Compostela Valley, Digos, Mati, Samal Island, ug Tagum city, LTO 11 E-Patrol in Panabo City, LTO 11 Temporary Offsite Printing Office sa Felcris Centrale, ug Sports Depot sa Victoria Plaza. (Marizz R. Perez)