ANG Civil Relations Service, AFP (CRSAFP) magdumala og kalihukan alang sa mga bike enthusiasts nga gitawag “Unity Bike For Peace” sa dakbayan sa Dabaw sa Hulyo 29, 2018, ala 6 sa buntag.
Ang rota magsugod sa FEM Grandstand, NSFA, Panacan padulong sa Davao City's Rizal Park nga moagi sa Maa Diversion ug Matina Pangi Roads, MacArthur Highway ug Davao City-junction Digos Session Road.
Ang kalihukan nagtumong nga magkahiusa ang tanang bicycle enthusiast, grupo man o indibiduwal aron ipaabot ang mensahe nga “YES TO PEACE” ug “END ARMED STRUGGLE.”
Kini way registration fee apan ang mga partisipante mahimo mopalit og souvenir nga t-shirt sa kantidad P300.
Alang sa dugang impormasyon, mahimong makontak si TSg Rebecca L. Gocon sa mga numerong 0905-687-3769 o 0933-858-4032.
Ang CRSAFP nagasuporta ug naga-operasyon sa lugar dapit sa utlanan sa Eastern Mindanao Command. (Abigail Joyce C. Cahiwat/MSU-Marawi intern)