GIPAAGI lang sa komedya ang tubag nila ni Jolo Revilla ug Rhian Ramos sa pangutana sa netizen kon unsay real score nilang duha pinaagi sa question feature sa Instagram stories.
Gipasa sa 30 anyos nga actor ngadto ni Rhian ang pagtubag sa maong pangutana nga gipakapinan og laughing emojis.
Mitubag ang aktres nga “Huwaw! Score lang ng score!” nga adunay tulo ka clapping ug basketball emojis nga natala sa PEP.ph.
Gi-post sab ni Jolo nga miingon: “ayan na sumagot na... whaaaaaaat?”
Sa sayo pa, sa na-unang Instagram stories ni Jolo iyang giklaro nga “good friends” lang sila ni Rhian kinsa iyang kauban sa “72 Hours” episode sa pelikulang “Tres”.
Na-intriga na sab ang duruha sa sa dihaang adunay mitumaw nga tsismis diin gibasol si Jolo sa panagbuwag ni Rhian ngadto sa iyang boyfriend nga si Jason Chuachoy. (B)