KAPALONG, Davao del Norte -- Todas ang gituohang notadong pusher ug gikonsidera nga high-value target (HVT) sa Kapalong kinsa gibugha sa wa mailhing mamumuno alas 7:25 sa gabii niadtong Biyernes.
Sumala ni Senior Inspector Dexter Cuevas, hepe sa Kapalong Municipal Police Station, nga nalambigit gayod sa ilegal nga druga ang gipatay nga si Isaac Punzalan Tiples Jr., 29, mekaniko ug residente sa Burgos Street, Brgy. Maniki.
Sumala sa asawa sa gipatay, nakadungog na lang siya'g buto sa armas ug iyang nakita nga dunay lalaki nga midagan kinsa maoy gituohang mamumuno.
Sa paghiling sa kapulisan sa patay'ng lawas sa biktima, nakuha gikan sa sling bag niini ang usa ka kalibre .45 nga pistola, mga bala ingon man napulo ka pakite sa gituohang shabu.
Bisan pa man niini, nagpahigayon gihapon og imbestigasyon ang Kapalong MPS aron maila ang mihimo sa krimen. (Jeepy P. Compio)