DEAR Tita Heart,
Maayong adlaw nimo ug sa mga suki sa SuperBalita. Ako si Jenylyn tita. Akong suliran kini akong uyab nga minyounon na unta mi. Ang nakadakong problema tita kay pagkuha namo sa Cenomar. Minyo man diay siya. Wala gyod nagsaba. Iyang ingon dugay ra daw toa. Ako bang dawaton iyang rason tita?
Jenylyn
*****
Hello Jenylyn,
Sa sitwasyon karon nga minyo diay unta imong mahimong bana, mas maayong imo gayud klaruhon unsay nahitabo nila sa iyang asawa kaniadto. Kon nagbulag ba tinuod or iyang gibyaan kay naglangyaw siya o unsay iyang mga responsibilidad nga gibyaan. Tungod sab kay kasado siya, dili pa gayud mo mahimong magpakasal.
Tita Heart