SUBLI pang mosaka sa boxing ring si Manny Pacquiao human sa iyang impresibong kadaugan didto sa Kuala Lumpur, Malaysia niadtong Dominggo.
Human iyang nakuha ang iyang ika-12 nga world title batok ni Lucas Matthysse, ang 39 anyos nga senador dali nga nibutyag nga andam siyang modepensa sa bakus nga iyang bag-ong nasakmit.
“My next fight I want to defend my title, my belt and give a good show and do my best inside the ring,” matod ni Pacquiao.
Daghan ang nag-ingon nga labing maayo nga mopahuway na ang gitawag og Pacman nga maoy naghatag og labing bug-at nga pasidungog sa kalibutan sa boksing apan aduna lahi nga panahom ang Pambansang Kamao.
“Do I look like 39? As a 39 year-old, I’m still okay, I’m still fine. When you see me prepare for this fight, you can tell that I’m just like a 27-year-old,” matod sa 8th division world title holder.
Matod pa niya nga nakatabang og dako ang ilang pag-usab sa sistema sa ilang training camp nga maoy hinungdan sa iyang impresibo nga kadaugan batok sa kanhi kampyon nga Argentinian.
“I’m not gone, I’m still here. It’s just a matter of time and getting some rest.” Iyang ginganlan silang Terrence Crawford, Vasyl Lomachenko ug Amir Khan apan wala siya nibutyag kon anaa ba nilang tulo ang sunod niyang makontra. (PAC)